7. ha he'i pa'i Abiatar, Ahimélec ra'ýpe:—Erumi chéve efod.*f**Abiatar ogueraha vove efod Davídpe,
8. ha'e oporandu:*f**—Amuñátapa umi mondaha atýrape? Ikatútapa ahupyty chupe kuéra?Ha Ñandejára he'i chupe:—Emuña katu. Rehupytýta ha reru jeýta opa umi ojereraha vaekue.
9. Upérõ osẽ David ha umi 600 hendivegua ha oguahẽ Besor ysyrýpe.
10. Upépe opyta 200 kuimba'e ikane'õ itereímava ha naikyre'ỹ véima ohasa haguã ysyry mboypýri. David oho tenonde 400 kuimba'e ndive.
11. Upe rire ojuhu ñúme peteĩ Egipto guápe ha ogueraha hikuái David rendápe omongaru ha omboy'u rire chupe:
12. Ome'ẽ hikuái chupe peteĩ mbujape ígo pehẽngue ha mokõi mbujape parral'a. Okaru rire pe Egiptogua hetia'emive, ojapóma niko mbohapy ára ha pyhare ndo'úi hague mba'eve.
13. Upérõ David oporandu chupe:—Máva piko nde jára? Mamógui piko reju?Pe Egiptogua he'i:—Che hína Egiptogua, peteĩ Amalecgua rembiguái. Ojapóma mbohapy ára che jára che reja hague, ha'a haguére che rasy,
14. Roho niko kuri romondávo ceretéo kuéra retã yke súrpe, ha Judá ha Caleb retã nguérape. Rohapy avei táva Siclag.