28. Joab oñemoĩ ra'e Adonías ndive, Absalón ndive katu nahániri. Upévare Joab oikuaa vove ko'ã mba'e, okañy tupaópe ha oñemo'ã altar ykére.
29. Oñemombe'u mburuvicha guasu Salomónpe Joab okañy hague tupaópe ha oñemo'ã altar ykére. Upérõ Salomón omondo Benaías, Joiadá ra'ýpe, ojuka haguã chupe,
30. ha Benaías oho tupaópe ha he'i Joábpe:—Mburuvicha guasu oipota resẽ upégui.Joab katu he'i:—Nahániri! Ko'ápe amanóta!Benaías oho mburuvicha guasu rendápe ha omombe'u pe Joab he'ikáva.