35-38. Aarón ñemoñare kuéra, ãva: Eleazar, Finees, Abisúa, Buquí, Uzí, Zeraías, Meraiot, Amarías, Ahitub, Sadoc ha Ahimaas.
39. Aarón ñemoñare oiko haguépe ha ijyvy kuéra rembe'y ãva: Quehat guápe oñeme'ẽ po'a rupi:
40. táva Hebrón, Judá yvýpe, iñu reheve.
41. Caleb Jefuné ra'ýpe oñeme'ẽ pe táva roka ha upepegua táva kuéra.
42. Aarón ñemoñare kuérape oñeme'ẽ Hebrón, táva oñekañyha ha avei táva Libná, Jatir, Estemoa,
43-44. Hilén, Debir, Asán ha Bet-Semes, opa umíva iñu ijerekuévo mymba okaru haguã.
45. Avei oñeme'ẽ chupe kuéra táva kuéra Benjamín ñemoñaregua mba'éva. Umíva hína Gueba, Alémet ha Anatot, opa umíva iñu ijerekuévo, mymba okaru haguã. Aipo ramo umi táva oñeme'ẽva Aarón guápe, 13.
46. Umi ambue Quehat guápe oñeme'ẽ, po'a rupi, 10 táva mbytere Manasés ñemoñaregua mba'e,
47. ha Guersón ñemoñare kuérape, ojepapa rire oñopehẽnguéva, oñeme'ẽ 13 táva Isacar, Aser ha Neftalí ñemoñaregua mba'e ha umi Manasés ñemoñaregua mba'e oñemohenda yvy Basánpe.
48. Merarí ñemoñare kuérape, ojepapa rire ojohogagua, oñeme'ẽ, po'a rupi, 12 táva Rubén, Gad ha Zabulón ñemoñaregua mba'e.
49. Israelgua ome'ẽ ko'ã táva iñu reheve Leví ñemoñare kuérape.
50. Umi Judá, Simeón ha Benjamín ñemoñaregua ome'ẽ, po'a rupi, umi táva oje'éva.
51. Oĩ Quehat guáva ohupyty, po'a rupi, táva kuéra Efraín ñemoñaregua mba'e.
52. Oñeme'ẽ avei chupe kuéra Siquem, táva oñekañyha, oĩva Efraín yvytýpe, iñu reheve ha avei Guézer,
53-54. Jocmeam, Bet-Horón, Aialón ha Gat-Rimón, opa umíva iñu reheve ijerekuévo mymba okaru haguãme.
55. Umi ambue Quehat guápe oñeme'ẽ táva kuéra Aner ha Bileam, mbytere Manasés ñemoñaregua mba'e, iñu reheve ijerekuévo mymba okaru haguãme.
56. Guersón ñemoñare kuérape, oñeme'ẽ Manasés ñemoñaregua mba'ekue iñu reheve táva Golán oĩva yvy Basánpe, ha táva Astarot iñu reheve ijerekuévo mymba okaru haguãme.
57-58. Avei oñeme'ẽ chupe kuéra táva kuéra Isacar ñemoñaregua mba'e, umíva Quedes, Daberat, Ramot ha Anem, iñu reheve ijerekuévo mymba okaru haguãme.
59-60. Aser ñemoñaregua mba'égui oñeme'ẽ chupe kuéra táva kuéra Masal, Abdón, Hucoc ha Rehob. Opa umíva iñu ijerekuévo mymba okaru haguã.