10. Aty guasu 7ha hembiapo mes 7ha pukukue. Huvicha, Heles paltíta, Efraín ñemoñare.
11. Aty guasu 8ha hembiapo mes 8ha pukukue. Huvicha, Sibecai, Husá pegua, Zérah ñemoñare.
12. Aty guasu 9ha hembiapo mes 9ha pukukue. Huvicha, Ebiezer Anatot pegua, Benjamín ñemoñare.
13. Aty guasu 10ha hembiapo mes 10ha pukukue. Huvicha, Maharai, Netofá pegua, Zérah ñemoñare.
14. Aty guasu 11ha hembiapo mes 11ha pukukue. Huvicha, Benaías, Piratón pegua, Efraín ñemoñare.
15. Aty guasu 12ha hembiapo mes 12ha pukukue. Huvicha, Heldai, Netofá pegua, Otoniel ñemoñare.
16-22. Israel ñemoñaregua ruvicha kuéra, ko'ãva:Rubengua, Eliézer, Zicrí ra'y;Simeongua, Sefatías, Maacá ra'y;Levigua, Hasabías, Quemuel ra'y;Aarongua, Sadoc;Judagua, Elihú, peteĩva umi David ryvy;Isacargua, Omrí, Micael ra'y;Zabulongua, Ismaías, Abdías ra'y;Neftaligua, Jerimot, Azriel ra'y;Efraingua, Oseas, Azazías ra'y;Mbytere Manasesgua, Joel, Pedaías ra'y;Ambue mbytere Manasesgua oĩva Galaádpe, Iddo, Zacarías ra'y;Benjamingua, Jaasiel, Abner ra'y;Dangua, Asarel, Jeroham ra'y.Ko'ãva vaekue Israel ñemoñaregua ruvicha kuéra.
23. David ndoipapái umi nombotýiva gueteri 20 áño, Ñandejára ome'ẽ haguére iñe'ẽ ombohetataha Israelgua mbyja kuéra yvágape guáicha.
24. Joab omoñepyrũ opavave jepapa, ha nomoguahẽi hu'ãme. Tuicha mba'e vai upéva ogueru tetã Israel ári. Ha upévare pe jepapáre ndaipóri mandu'a kuatiápe oñemombe'uhápe umi David rembiapokue.
25. Umi mba'e repyeta oguerekóva mburuvicha guasu rerekua, Azmávet, Adiel ra'y. Ha pe oñangarekóva koty kuérare oñemba'e ñongatuhápe, oĩva ñu, táva kuéra, tava'i ha tetã rembe'y rupi, Jonatán Ozías ra'y.
26. Ezrí, Quelub ra'y, pe omyakãva umi omba'apóvape mburuvicha guasu kokuépe.
27. Simí, Ramat ra'y omyakã mba'apohára parraltýpe guápe; ha Zabdí, Sefam ra'y, umi omono'õvape parral'a; ha'e avei pe kaguy ojejapóva rerekua.
28. Baal-Hanán Guederágua, pe oñangarekóva olivoty ha ígo ka'aguy ñu megua rehe; Joás katu pe oñangarekóva ñandyrýre.
29. Vaka rehe okarúva Sarónpe oñangareko Sitrai, Sarongua voi; vaka kuéra ñu rupi okarúva rehe katu oñangareko Safat, Adlai ra'y.
30. Kaméllore oñangareko Obil ismaelíta, ha vúrrore Jehedías, Meronot pegua;
31. ovecha kuérare katu Jaziz agaréno. Opa ko'ãva oñangareko mburuvicha guasu David mba'e kuérare.
32. Jonatán, David tio, karai arandu ha imba'e kuaáva oheko mbo'e Davídpe; ha Jeiel, Hacmoní ra'y, omoirũ mburuvicha guasu ra'y kuérape.
33. Ahitófel oheko mbo'e avei mburuvicha guasúpe ha Husai, arquíta, kuimba'e mburuvicha guasu jeroviaha.
34. Ahitófel rire ojupi hendaguépe Joiadá, Benaías ra'y, ha Abiatar. Opa ñorãirõha kuéra ruvicha, Joab vaekue.