1. Upéi David ha mburuvicha kuéra omboyke tupao rembiapópe guarã Asaf, Hemán ha Jedutún ra'y kuérape. Umíva omomarandu*f** haguã oñemoirũvo mbaraka árpa ha platíllo púpe. Umíva réra kuéra, ãva:
2. Asaf ra'y kuéra: Jacur, José, Netanías ha Asarela. Pe omyakãva chupe kuéra, itúva Asaf. Kóva omomarandu mburuvicha guasu rérape.
3. Jedutún ra'y 6: Guedalías, Serí, Isaías, Simí, Hasabías ha Matatías. Omyakã chupe kuéra itúva Jedutún, omomarandúva oñemoirũvo mbarakapúpe oaguije me'ẽ ha omomba'e guasu haguã Tupãme.
4. Hemán ra'y kuéra: Buquías, Matanías, Uziel, Sebuel, Jeremot, Hananías, Hananí, Eliatá, Guidalti, Romamti-Ézer, Josbecasa, Malotí, Hotir ha Mahaziot.
5. Opa ko'ã Hemán ra'y vaekue, upéva mba'e rechahára omba'apóva mburuvicha guasúpe guarã, opa mba'e Tupã rehe guápe. Omombareteve haguã Hemánpe, Tupã ome'ẽ vaekue chupe 14 ta'ýra ha mbohapy tajýra.
6. Maymávape omyakã itúva opurahéi ramo tupaópe oñemoirũvo platíllo mbaraka ha árpa púpe.Asaf, Jedutún ha Hemán ojapo mburuvicha guasu he'íva.
7. Ha'e kuéra 288 vaekue ojepapárõ ityvýra kuéra ha opavave ojeheko mbo'e vaekue ha ikatupyry purahéipe Tupãme guarã.
8. Ojeity po'a ojekuaa haguã araka'épa opurahéita Tupã renondépe michĩva térã tuicháva, mbo'ehára térã temimbo'e.
9-31. Ojeity rire po'a péicha oñemohenda hikuái, peteĩ-teĩ ita'ýra ha tyvýra kuéra reheve, 12 oñondive: 1) José, Asaf rogagua; 2) Guedalías; 3) Zacur; 4) Isrí; 5) Netanías; 6) Buquías; 7) Jesarela; 8) Isaías; 9) Matanías; 10) Simí; 11) Azarel; 12) Hasabías; 13) Subael; 14) Matatías; 15) Jeremot; 16) Hananías; 17) Josbecasa; 18) Hananí; 19) Malotí; 20) Eliatá; 21) Hotir; 22) Guidalti; 23) Mahaziot; 24) Romamti-Ézer.