42. Éser ra'y kuéra: Bilhán, Zaaván ha Jaacán. Disán ra'y kuéra: Us ha Arán.
43. Ko'ãva vaekue mburuvicha guasu kuéra oisãmbyhy vaekue Edómpe, Israelgua oguereko mboyve mburuvicha guasu: Bela, Beor ra'y. Itáva guasu héra Dinhaba.
44. Omano rire Bela oisãmbyhy Jobab, Zérah ra'y Bosragua.
45. Omano rire Jobab oisãmbyhy Husam Temangua.
46. Omano rire Husam oisãmbyhy Hadad, Bedad ra'y, ipu'aka vaekue Madián guáre Moab ñúme ha itáva héra Avit.
47. Omano rire Hadad oisãmbyhy Samlá, Masrecagua.
48. Omano rire Samlá oisãmbyhy Saúl Rehobotgua. Pe táva oĩ ysyry rembe'ýpe.
49. Omano rire Saúl oisãmbyhy Baal-Hanán, Acbor ra'y.