34. Nuair a chonaic na tréadaithe ar tharla, theith siad leo, agus d'inis an scéal sa chathair agus sa limistéar tíre.
35. Chuaigh daoine amach ansin go bhfeicfidís cad é a tharla, agus tháinig go dtí Íosa, go bhfuair siad an fear ar imigh na deamhain as, ina shuí ag cosa Íosa, agus é ina mheabhair agus éadaí air; agus bhí eagla orthu.
36. Agus d'inis an dream a chonaic lena súile é faoi cad é mar leigheasadh an té a raibh na deamhain ann.
37. Ba ansin a d'iarr lucht limistéar na nGeraséanach d'impí air bheith ag imeacht uathu; mar bhí greim mór ag an eagla orthu; agus dá thairbhe sin chuaigh sé isteach arís sa bhád le filleadh.
38. Ach d'iarr an fear a raibh na deamhain ann air ligean dó bheith leis; ach chuir sé uaidh é á rá,
39. “Fill ar do theaghlach féin, agus foilsigh a bhfuil déanta ag Dia duit.” Agus d'imigh sé leis ag fógairt ar fud na cathrach uile a ndearna Íosa dó.
40. Anois nuair a d'fhill Íosa, bhí fáilte ag an slua roimhe, ó bhí siad uile ag feitheamh leis.
41. Agus tháinig fear a raibh Iárus mar ainm air, a bhí ina rialtóir sionagóige; agus thit sé ag cosa Íosa ag cur impí air teacht chun a thí,
42. mar ní raibh aige ach an t‑aon iníon amháin, a bhí thart ar dhá bhliain déag d'aois, agus bhí sí i mbéala báis.Sa siúl dó, bhí na daoine ag brú air.