37. A sé so an Máoise úd, noch a dubhairt ré cloinn Israél, Tóigéubhaidh Día bhur Dtighearna fáidh súas dáoibh da bhur ndearbhraithribh, mar misi; éisdfish sibh ris.
38. Sé so an té do bhí sa gcóimhthionól ar an bhfásach a bhfochair a naingil do labhair ris ar shlíabh Sína, agus ré ar naithribhne: noch do ghlac mar an gcéudna briathra na beatha chum a dtabhartha dhúinne:
39. Dá nár bháill ré ar naithríbhne úmhlachd do thabhairt, achd do dhíultadar é, agus dfilleadar ann a gcróidhthibh tar a nais don Eigipt,
40. Ag rádh ré Háaron, Déuna dhúinn dée do racha romhuinn: oír ní bhfuil a fhios aguinn, créud do éirigh don Mháoisese, noch do threóraidh sinn as talamh na Héigipte.
41. Agus da rinneadar láogh ann sna laéthibhsin, agus do fhoráileadar íodhbairt don íodhail, agus do rinneadar gáirdeachus as oibrighthibh a lámh féin.
42. Agus dfill Día, agus tug sé íad do dhéanamh seirbhíse do shlúagh neimhe, do reir mar atá sgríobhtha a leabhar na bhfáigheadh, A thigh Israél, nar fhoraileabhair dhamhsa beathaidh mharbha agus iodhbartha ar féadh dhá fhichead blíadhan ar an bhfásach?
43. Achd, do ghlacabhair tábernacel Mhóloch, agus réult bhur Ndía féin Remphan, fíoghracha noch do rinneabhair chum a nadhra: ar a nadhbharsin áthrócha mé sibh don táobh a nunn don Bhábilóin.
44. Do bhí tábernacel na fíadhnuise ag ar naithribhne ar an bhfásach, do réir mar daithin, an té labhair ré Máoisi, a dhéunamh do réir na heisiomplara do chunnairc sé.
45. Noch do ghlacadar ar naithrene agus tugadar leó maille ré Híosa go seilbh na Gcíneadhach, noch do theilg Día amach as amharc ar naithreach, go laéthibh Dháibhi:
46. Noch fuair grása a bhfíadhnuise Dé, agus do shir tabernacel dfagháil do Dhía Iácob.
47. Gidheadh a sé Solamh do thóg tigh dhó.
48. Achd fós ní a dteampluibh laimhdhéanta atá an tí as Airde na chomhnuide; do réir mar a deir an fáidh,
49. Sé neamh mo chathaóir, agus an talamh sdól mo chos: créd é an tigh thóigéubhus sibh dhamh? a deir an Tighearna: nó créud é mionad cómhnuighe?
50. A né nach í mó lámh do rinne na neithesi uile?
51. A dháoine cruáidhmhuineulacha agus neamhthimcheallghearrtha a gcróidhe agus a gclúasáibh, atátháoi ag seasamh ríamh a naghaidh an Spiorad Náoimh: amhuil do rinneadar bhur naithreacha, as mar sin do nithíse.
52. Cía do na fáidhibh nar dhíbhreadar bhur náithreacha? agus do mharbhadar an dream do réumhfhoillsigh teachd an Táon Firéin úd; agá rabhabhairse a nois bhur luchd bratha agus dúnmharbhtha:
53. As do ghlacabhair an reachd tré mhiniosdrálachd na naingeal, agus níor choimhéudabhair é.