4. Agus do chreideadar cuid áirighe dhíobh, agus do leanadar do Phól agus do Shílas; agus mar an gcéadna mórán do Ghréugachaibh cráibhtheach, agus do mhnáibh uáisle níar bheag.
5. Achd do ghabh iomthnúdh, na Iúdaidhe nár chreid, agus ag cruinniughadh dhrochdháoine airighe agus chorra-marguidh, do rinneadar cuideachda mhór, agus do bhuáidhreadar an chathuir, agus tangadar a dtimcheall tighe lásoin, ag iarruidh íadsan do thabhairt amach chum an phobuil.
6. Agus an tan nach bhfúaradar íadsan, do thairngeadar Iáson agus cuid áirighe dona braithribh chum úachdarán na caithreach, ag éighmhe, Iad so do chuir an sáoghal bun os cionn thangadar an so mar an cceadna;
7. Noch dhá dtug Iáson áoidheachd: agus atáid siad uile ag cur a naghuidh órduighthe Shéasair, ag rádh go bhfuil rí eile ann, eadhon Iósa.
8. Agus do bhuaidhreadar an pobal agus úachdaráin na caithreach, ar gclós na neitheadhso dhóibh.
9. Agus ar ngabhail urrnaidhe ó Iáson, agus ón chuid eile, do léigeadar úatha íad.
10. Agus ar an mball do chuireadar na bráithre sa noidhche uathadh Pól agus Sílas go Beréa: agus ar dteachd dóibh ann sin do chúadar a steach go sinagóig na Níuduidhe.
11. Agus dob uáisle na Híuduidhe sin na an mhuinntir do bhí a Dtessalonica, agus do ghabhadar an bhríathar go ro lúthgháireach chuca, ag cúartughadh na sgríobtúireadh gach éun lá, dá fhéuchuin an mar sin do bhádar na neithesin.
12. Uime sin do chreideadar mórán díobh; agus mar an gcéudna mórán ban úasal do na Gréugachuibh, agus fear leis, níar bheag.
13. Agus an tan fuáir na Iúdáidhe do bhí a Dtessalonica, fios go ndearna Pól bríathar Dé sheanmóir ag Beréa leis, do chúádar ann sin mar an gcéudna, do chur buaidheartha ar an bpobal.
14. Achd do chuireadar na bríathre Pól úatha ar an mball amhail as go rachadh sé ar fairrge: achd dfan Sílas agus Timotéus ann sin na gcomhnuidhe.