8. O so amach atá coróin fhíréuntachda ar na taisge fám chomhair, noch bhéuras an Tíghearna, an breitheamh cómhthrom dhámh sa ló úd: agus ní dhámhsa amháin, achd mar an gcéudna do na huile dháoine ghrádhuigheas a theachd.
9. Déun deithneas ré theachd chugam go haithghearr:
10. Oír do thréigh Démas mé, ar dtábhairt ghrádha don tsáoghalsa a láthair, agus do imthigh sé go Tessalonica; Crescens go Galátia, Titus go Dalmátia.
11. Atá Lucás na áonar um fhochair. Ar mbreith dhuit ar Mhárcuis, tabhair leachd é: óir as ro shocrach dhámhsa é chum miniosdrálachda.
12. Agus do chuir mé Tichicus uáim go Hephesus.
13. An tan thiucfas tú, tabhair leachd an brat noch do fhág mé a Dtróas ag Carpus, agus na leábhair, go háirighe na meamruim.
14. As mór dolc do rinne Alecsandar an céard copair oram: go dtuguidh an Tíghearna dhó réir a ghníomharthadh.
15. Agus bíse mar an gcéudna ar do choimhéud air; óir is mór do chuir sé a nadhuigh ar mbríathairne.
16. Ann mo chéud chosaintse níor raibh áonduine agam, achd do thréigeadar uile mé: nar agrar orrtha é.
17. Gidheadh do sheas an Tíghearna láimh rium, agus do neartuigh sé mé; ionnus go mbíadh seanmóir an tsoisgeil dearbhtha thríomsa, agus do gcluinfedis na Cineadhacha uile í: agus do sáoradh mé ó bhéul an leomhain.
18. Agus sáorfa an Tíghearna mé ó gach uíle dhrochobair, agus comhéudfuidh mé chum a ríoghachda neamhdha féin: glóir dhósan go saóghal na sáoghal. Amén.
19. Beir beannachd chum Phrisca agus Acuila, agus chum luch tighe Onesíphoruis.
20. Do chómhnuidh Erastus a Gcoríntus. Agus dfág mé Trophimus a Milétum go héugcruáidh.
21. Déun deithneas ré theach roimh an ngéimhreadh.Cuiridh Eúbulus, agus Púdens, agus Línus, agus Cláudia, agus na dearbhráirthre uile a mbeannach chugad.
22. Go raibh an Tíghearna Iósa Críosd maille réd sbioruid. Grása maille ribh. Amén.