29. Géabhaid na daóine fíréunta oighreachd a nfeáruinn, agus áitreobhuid ann go síorruidhe.
30. Laibheoruidh béul a nfíréin eagna, agus laibheoruidh a theanga breitheamhnus.
31. Atá dligheadh a Dhé iona chroidhe, ní sciorrfuidh áon dá choiscéimibh.
32. Bí an drochdhuine ag faire ar an bhfíréun, agus íarruidh a chur chum báis.
33. Ní fhúigfidh an TIGHEARNA iona láimh é, agus ní dhaimnéochuidh é an tan do dhéantar breitheamhnus air.
34. Feith air an TTIGHEARNA, agus connaimh a shlighe, agus áirdeochuidh sé thú chum oighreachda na dúithche: a nuáir bhéid na drochdhaóine air na scrios, do chífe tú sin.
35. Do chonnairc mé an drochdhuine neartmhar, agus agá leathnughadh féin amhuil crann glas fhasas úadh féin.
36. Agus do ghabhus thort, agus, féuch, ní raibh sé ann: agus díarr mé é, agus níor fríth é.
37. Comharthuigh an fíréun, féuch air an ndíreach: óir is síothcháin críoch a nfir sin.
38. Acht scriosfuighthear luchd an tsáruighthe á néinfheachd: agus gearrfar amach deireadh an drochdhuine.
39. Agus is ón TIGHEARNA atá slánughadh a nfíréin: sé a neart é a naimsir a néigiontuis.
40. Agus do bhéaruidh an TIGHEARNA cabhair dhoibh, agus sáorfuidh íad: sáorfuidh sé íad ó na drochdhaóinibh, agus coimhdeochuidh íad, do bhrígh go bhfuil a ndóigh ann.