Sean-Tiomna

Tiomna Nua

Rómhánaigh 12:9-17 An Bíobla Naofa 1981 (ABN)

9. Bíodh bhur ngrá saor ón gcur i gcéill; bíodh fuath agaibh don olc agus cloígí leis an maith.

10. Bíodh grá bráthar agaibh dá chéile agus tugaigí tús urraime dá chéile;

11. bígí dúthrachtach gan leisce, ar lasadh leis an Spiorad, agus ag seirbhís don Tiarna.

12. Bígí suairc le dóchas, seasmhach faoi thrioblóid, ag guí gan staonadh,

13. ag tabhairt riar a gcáis do na naoimh, agus ag cleachtadh na féile.

14. Beannaígí bhur ngéarleantóirí - is ea, bíodh an bheannacht agaibh dóibh in áit na mallachta.

15. Bígí lúcháireach le lucht na lúcháire agus dobrónach le lucht an dobróin.

16. Bígí báúil le cách agus in ionad a bheith ardnósach déanaigí caidreamh leis na daoine ísle. Ná héirigí teann as bhur gcuid gaoise féin.

17. Ná himrígí cor in aghaidh an chaim ar aon duine ach an rud uasal a bheith mar aidhm agaibh os comhair an tsaoil.

Léigh chaibidil críochnaithe Rómhánaigh 12