1. Duine básmhar ar nós gach duine eile is ea mise freisin;shíolraigh mé ón gcéad fheara dealbhaíodh as an luaithreach;ar feadh deich mí múnlaíodh mo cholainni mbroinn mo mháthar,
2. i ndiaidh a dlúthú le chéile i bhfuil,ó shíol fir agus ó sháile an phósta.
3. Nuair a rugadh mé,tharraing mé isteach anáil den ghnáthaer,agus thit mé síos ar an talamh,a bhí d'aon mhianach liom féin;ar nós cách b'í an chéad fhuaim a rinne mé uaill chaointe.
4. Cuireadh i gcrios ceangail méagus oileadh mé le togha an aireachais.
5. Ní raibh rí ar bith ann riamha raibh a mhalairt de thosach ar a shaol.
6. Óir, níl ach an t‑aon bhealach amháinisteach sa saol seo ag cáchagus an t‑aon bhealach amháin amach as mar an gcéanna.
7. Ghuigh mé, mar sin, agus tugadh bua na tuisceana dom;rinne mé achainí agus tháinig spiorad na heagna chugam,
8. ba í mo rogha í thar shlata agus thar chathaoireacha ríoga,agus ba neamhní liom an saibhreas lena hais.
9. Níor chuir mé cloch lómhar ar aon chéim léi,mar i gcóimheas léi níl in ór an domhain ach beagán gainimhagus níl san airgead ach láib i gcomórtas léi.
10. B'ansa liom í ná an tsláinte nó an áilleachtagus b'fhearr liom í ná an solas féinmar ní mheathfaidh a loinnir go deo.
11. Mar sin féin, tháinig gach maith chugam in éineacht léiagus fuair mé saibhreas gan áireamh tríthi.
12. Bhí athas orm mar gheall orthu sin go léir,óir is í an eagna a riarann iad;ach níorbh eol dom gurbh ise a máthair.
13. Is le hintinn ghlan a d'fhoghlaim méagus tugaim uaim gan doicheall;ní choinním a saibhreas i bhfolach.
14. Óir is stór do-ídithe do dhaoine é;agus an mhuintir a fhaigheann ésnaidhmeann siad cairdeas le Dia,mar is taitneamhach leis iadde bharr na dtíolacthaí a fhaigheann siad óna teagasc.
15. Go dtuga Dia domsa labhairt mar is áil leisagus meas cóir a bheith agam ar a thabhartais;óir is é treoraí na heagna agus stiúrthóir na saoithe é.