Sean-Tiomna

Tiomna Nua

Dainéil (Gr) 3:80-91 An Bíobla Naofa 1981 (ABN)

80. Glóirígí an Tiarna, a éanlaith uile an aeir,molaigí é agus móraigí é go hard de shíor.

81. Glóirígí an Tiarna, a ainmhithe agus a tháinte,molaigí é agus móraigí é go hard de shíor.

82. Glóirígí an Tiarna, a dhaoine an tsaoil,molaigí é agus móraigí é go hard de shíor.

83. Glóirígí an Tiarna, a Iosrael,molaigí é agus móraigí é go hard de shíor.

84. Glóirígí an Tiarna, a shagarta,molaigí é agus móraigí é go hard de shíor.

85. Glóirígí an Tiarna, a shearbhóntaí Dé,molaigí é agus móraigí é go hard de shíor.

86. Glóirígí an Tiarna, a spiorada agus a anamacha na bhfíréan,molaigí é agus móraigí é go hard de shíor.

87. Glóirígí an Tiarna, a naomha agus a ísle ó chroí,molaigí é agus móraigí é go hard de shíor.

88. Glóirígí an Tiarna, a Hanainiá, a Azairiá, a Mhíséil,molaigí é agus móraigí é go hard de shíor,mar d'fhuascail sé sinn ó Sheól,sciob sé sinn ó chumhacht an bháis,shaor sé sinn ó lasair loiscneach na foirnéise,agus d'fhuascail sé sinn ó lár na tine.

89. Beirigí buíochas le Dia, mar is maith é,mar maireann a thrócaire go deo.

90. Glóirígí Dia na ndéithe, sibhse uile a adhrann an Tiarna,molaigí é agus altaígí dó,mar maireann a thrócaire le saol na saol.

91. Ansin tháinig líonrith ar an rí Nabúcadnazar agus d'éirigh sé faoi dheifir. Chuir sé ceist ar a chomhairleoirí: “Nach triúr fear i gcuibhreacha a chaitheamar isteach sa tine?” D'fhreagair siadsan an rí: “Sea go deimhin, a rí.”

Léigh chaibidil críochnaithe Dainéil (Gr) 3