60. Ansin liúigh an comhthionól uile go hard agus mhol siad Dia a shaorann gach n‑aon a chuireann a mhuinín ann.
61. D'éirigh siad suas in aghaidh na beirte seanóirí a bhí daortha óna mbéal féin ag Dainéil toisc gur thug siad fianaise bhréige,
62. agus chúitigh siad leo, de réir dhlí Mhaois, an íde éagórach a bheartaigh siad a dhéanamh ar a gcomharsa. Chuir siad an bheirt chun báis agus saoradh fuil neamhchiontach ón mbás an lá úd.
63. Thug Hilciá agus a bhean buíochas do Dhia ar son a n‑iníne Súsanna - rud a rinne Ióicím, a céile, agus a gaolta uile chomh maith - toisc nach bhfuarthas aon chúis táire inti.
64. Ón lá sin amach ba mhór é Dainéil i súile an phobail.