1. Asafen Salmoa.Jauna, jainkoen Jainkoa, mintzo da,mundu osoari egiten dio batzarrera deieguzkiaren sorlekutik sarlekura.
2. Siondik, edertasun beteko menditik,Jainkoa distiraz ageri da.
3. Badator gure Jainkoa, eta ez isilean:su irenslea aurretik, erauntsi zakarra inguruan.
4. Goitik dei egin die zeru-lurreibere herriarekin duen auzian lekuko izatera:
5. «Bildu nire fededunak,sakrifizioa eskainiz nirekin ituna egin dutenak».
6. Iragar beza zeruak Jainkoaren justizia.Jainkoa bera da epaile!
7. «Entzun, Israel, ene herri,zure kontra egingo dudan aitorpena.Neu naiz Jainkoa, zure Jainkoa!