1. Koru-zuzendariarentzat. Daviden salmoa.
2. Zeruek Jainkoaren aintza kontatzen dute,ortziak haren eskuen lana adierazten.
3. Egun batek besteari mezua ematen dio,gau batek besteari jakinarazten,
4. mintzorik eta hitzik gabe:entzun ezinekoa da haien ahotsa.
5. Lurbira guztira zabaltzen da haien hotsa,munduaren bazterreraino haien hizkera.Han ipini dio Jainkoak egoitza eguzkiari.
6. Senarra ezkontza-gelatik bezala irteten da,atleta gisa, bere lasterketa egitera pozik;
7. zeru-ertz batetik irten eta beste ertzeraino haren itzulbira:haren berotik ezin libratu ezer!
8. Jaunaren hitza ezin hobea: gizakia arnasberritzen du;Jaunaren manamendua fidagarria: heldugabea zuhurrarazten du;