1. Gorriak ikusia nauzu, Jaunaren haserrearen zigorpean.
2. Ilunpetara bultzatu nau eta eraman, ez argitara.
3. Haren eskuak nire aurka dihardu, egunero etengabe.
4. Azal-mamiak jan dizkit, hezurrak hautsi.
5. Saminezko eta nekezko hesia jaso dit inguruan.
6. Ilunpetan biziarazi nau, behin betiko hildakoak bezala.
7. Horma artean sartu nau, aterabiderik gabe;kate astunez lotu nau.
8. Oihuka laguntza eskatzen badut ere, ito egiten du nire erregua.