3. Rakelek, orduan:—Hor duzu nire neskame Bilha. Elkar zaitez berarekin eta emango dizu semerik nire ordez; honela, nik ere izango dut semerik, hura bitarteko.
4. Eta bere neskame Bilha eman zion Jakobi emazte gisa. Elkartu zitzaion Jakob,
5. eta Bilhak haurdun gelditu eta semea eman zion Jakobi.
6. Rakelek zioen: «Nire alde atera da Jainkoa, nire deia entzun eta semea eman baitit». Horregatik, Dan eman zion izen.
7. Haurdun gelditu zen berriro Bilha, Rakelen neskamea, eta beste seme bat eman zion Jakobi.