23. Gero, agindu zion Samuelek sukaldariari:—Ekarri bereiz ipintzeko eta gordetzeko eman nizun zatia.
24. Sukaldariak izterra eta isatsa ekarri eta Saulen aurrean jarri zituen. Samuelek, orduan:—Hona hemen gordea zutena, jan. Zuretzat zegoen gordea, abagune honetarako. Horrela, «Nik gonbidatu dut jendea» esan dezakezu.Beraz, egun hartan Samuelekin jan zuen Saulek.
25. Gero, jaitsi ziren muinotik hirira, eta Samuel hizketan aritu zen Saulekin etxe gainean.
26. Biharamunean goizean goiz jaiki eta, egunsentian, Samuelek dei egin zion etxe gainera Sauli, esanez:—Jaiki zaitez, agurtu egin behar zaitut eta.Jaiki zen Saul eta kanpora irten ziren Samuel eta biak.
27. Hiriaren bukaerara jaitsi zirenean, agindu zion Samuelek Sauli:—Esaiozu morroiari aurrerago joateko.Morroia aurrerago joan zen. Orduan, Samuelek:—Zu geldi zaitez hemen pixka batez, Jaunaren esana adierazi behar dizut.