5. Xilotarren ondorengoetakoak: Asaias, lehenengoa, eta beronen semeak.
6. Zerahen ondorengoak: Jeuel eta beronen ahaideak; orotara seiehun eta laurogeita hamar ziren.
7. Benjaminen ondorengoetakoak: Salu, Mexulamen semea —hau Hodabiasena, hau Hasenuarena—,
8. Ibneias, Jerohamen semea, Ela, Uziren semea —hau Makrirena—, eta Mexulam, Xefatiasen semea —hau Reuelena, hau Ibniasena—.
9. Hauek guztiak familiaburu izan ziren beren senitarteetan. Erbestetik itzulitako benjamindarrak bederatziehun eta berrogeita hamasei izan ziren.
10. Apaizen artekoak: Jedaias, Joiarib, Jakin,
11. Azarias, Hilkiasen semea —hau Mexulamena, hau Tzadokena, hau Meraiotena, hau Jainkoaren etxeko arduradun zen Ahitubena—,
12. Adaias, Jerohamen semea —hau Paxhurrena, hau Malkiasena—, eta Masai, Adielen semea —hau Jahzerarena, hau Mexulamena, hau Mexilemitena eta hau Imerrena—.
13. Familiaburu hauek, beren ahaide guztiekin batera, mila zazpiehun eta hirurogei ziren, gizon adoretsuak Jaunaren etxeko zerbitzuak betetzeko.
14. Lebitarren artekoak: Xemaias, Haxuben semea —hau Azrikamena, hau Haxabiasena—. Hauek Merariren senitartekoak ziren;
15. baita Bakbakar, Herex, Galal eta Metanias, Mikaren semea —hau Zikrirena, hau Asafena—,
16. Obadias, Xemaiasen semea —hau Galalena, hau Jedutunena—, eta Berekias, Asaren semea ere —hau Elkanarena—, netofarren herrixketan bizi zena.
17. Atezainen artekoak: Xalum, Akub, Talmon eta Ahiman. Berauen senide Xalum zen buruzagi.
18. Orain arte, hauek dira tenpluko ekialdeko atea, erregearen atea, zaintzen dutenak. Berauen arbasoak lebitarren kanpalekuaren zaintzaile izan ziren.
19. Koreren seme, Ebiasafen biloba eta Koreren hereniloba zen Xalumek, bere senitarteko ahaideekin, koretarrekin batera, oihal-etxolako sarrera zaintzeko eginkizun sakratua zuen; beraren arbasoek ere Jaunaren kanpalekuko sarrera zaintzeko eginkizuna izana zuten.
20. Antzina, hauen arduraduna Eleazarren seme Pinhas izan zen. Jauna izan bedi berarekin!
21. Elkarketa-etxolako atezaina Mexelemiasen seme Zakarias zen.