4. Esate baterako, Jainkoak esan zizuen: Ohoratu aita-amak, eta: Aita nahiz ama madarikatzen duenak heriotza-zigorra izango du.
5. Zuek, ordea, beste hau diozue: Norbaitek aitari edo amari esaten badio: «Zuri eman behar nizukeena Jainkoari eskainia diot»,
6. halakoak ez duela aitarekiko agindu hori bete beharrik; horrela, Jainkoaren hitza baliogabe uzten duzue, zeuen usadioengatik.
7. Itxurazaleok halakook! Ederki asko esan zuen Isaias profetak zuetaz:
8. Herri honek ezpainez ohoratzen nau, baina niregandik urrun du bihotza;
9. alferrik naute gurtzen; hauen irakaspena giza agindu hutsa.