Itun Zaharra

Itun Berria

Mateo 14:9-19 Elizen Arteko Biblia (EAB)

9. Goibel jarri zen erregea, baina, mahaikideen aurrean egindako zinarengatik, eskatua emateko agindu zuen,

10. eta Joani lepoa moztu zioten kartzelan.

11. Azpil batean burua ekarri eta neskatxari eman zioten, eta honek amari.

12. Joanen ikasleek haren gorpua jasotzera etorri eta lur eman zioten; gero, Jesusi berri ematera joan ziren.

13. Horren berri jakitean, Jesus bazter batera joan zen bakarrik txalupaz. Baina jendea ohartu egin zen eta, herrietatik irtenik, oinez jarraitu zioten.

14. Txalupatik jaitsi zenean, jendetza handia ikusi zuen Jesusek eta, errukiturik, gaixoak sendatu zizkien.

15. Ilunabarrean, ikasleek hurbildu eta esan zioten:—Toki hau oso urruti dago eta orduak aurrera doaz. Bidal ezazu, bada, jendea, auzoetara joan eta jatekoa eros dezan.

16. Baina Jesusek erantzun zien:—Ez dute zertan joanik; eman zeuek jaten.

17. Haiek, orduan:—Ez daukagu hemen bost ogi eta bi arrain besterik.

18. Eta Jesusek:—Ekarri hona.

19. Jendeari zelaian esertzeko agindu ondoren, hartu zituen bost ogiak eta bi arrainak eta, begiak zerura jasorik, bedeinkazioa esan, ogiak zatitu eta ikasleei eman zizkien, eta ikasleek jendeari.

Irakurri kapitulu osoa Mateo 14