12. Joanen ikasleek haren gorpua jasotzera etorri eta lur eman zioten; gero, Jesusi berri ematera joan ziren.
13. Horren berri jakitean, Jesus bazter batera joan zen bakarrik txalupaz. Baina jendea ohartu egin zen eta, herrietatik irtenik, oinez jarraitu zioten.
14. Txalupatik jaitsi zenean, jendetza handia ikusi zuen Jesusek eta, errukiturik, gaixoak sendatu zizkien.
15. Ilunabarrean, ikasleek hurbildu eta esan zioten:—Toki hau oso urruti dago eta orduak aurrera doaz. Bidal ezazu, bada, jendea, auzoetara joan eta jatekoa eros dezan.
16. Baina Jesusek erantzun zien:—Ez dute zertan joanik; eman zeuek jaten.
17. Haiek, orduan:—Ez daukagu hemen bost ogi eta bi arrain besterik.