23. Izan ere, bizia janaria baino gehiago da, eta gorputza jantzia baino gehiago.
24. Begira beleei: ez dute ereiten, ez uztarik biltzen; ez dute bihitegirik, ez mandiorik; hala ere, Jainkoak janaritzen ditu. Zenbat gehiago ez ote duzue balio zuek hegaztiek baino!
25. Asko arduratu arren, zuetako nork luza lezake bizitza apurtxo bat ere?
26. Beraz, gauzarik txikiena ere ezin baduzue, zertan kezkatu gainerakoaz?
27. Begira nola hazten diren loreak: ez dira lanean penatzen, ez dute iruten; baina, egia esan, Salomon bera ere, bere ospe guztian, ez zen janzten horietako baten pare.