15. Orduan, emakumeak:—Jauna, emadazu ur horretatik, berriro egarri ez nadin, eta hona uretara etorri beharrik izan ez dezadan.
16. Jesusek esan zion:—Zoaz etxera, dei egiozu zeure senarrari eta itzuli hona.
17. Emakumeak erantzun:—Ez dut senarrik.Eta Jesusek:—Ongi diozu ez duzula senarrik;
18. bost izan dituzu, eta oraingoa ez duzu senarra; horretan egia diozu.
19. Emakumeak esan zion:—Jauna, profeta zarela ikusten dut.
20. Gure gurasoek mendi honetan eman zioten kultu Jainkoari; zuek, juduok, berriz, Jerusalemen eman behar zaiola diozue.