1. Aleluia! Gora Jauna!Goretsazue Jauna zerutik, goretsi zeru goienetik!
2. Goretsazue, haren aingeru guztiok,goretsi, haren gudari guztiok!
3. Goretsazue, eguzki eta ilargi, goretsi, izar argitsu!
4. Goretsazue, zeru zabalok eta zeru gaineko urok!
5. Gorets bezate Jaunaren izena,hark agindurik sortu baitziren;
6. betidanik betidaino ezarri zituen,balioa inoiz galduko ez duen legea emanez.
7. Goretsazue Jauna lurretik, herensuge eta leize.
8. Goretsazue, su eta kazkabar, elur eta laino,eta haren esanera zaudeten haize-erauntsiok;
9. mendi eta muino guztiok, fruta-arbola eta zedro guztiok,
10. basabere eta etxabere, narrasti eta hegazti.
11. Goretsazue, munduko errege eta herriok,buruzagi eta gobernari guztiok,
12. mutil eta neskatxa, agure eta haur.
13. Gorets bezate Jaunaren izena, izen goren bakarra.Haren ospea zeru-lurren gainetik garai:
14. bere herriari garaipena ematen dio.Gorespena zor diote fededun guztiek,gorespena Israelek, bere-berea duen herriak.Aleluia! Gora Jauna!
Irakurri kapitulu osoa Salmoak 148