2. eta diruarekin batera nire edalontzia, zilarrezkoa, gazteenaren zaku-muturrean».Hark Joseren esana bete zuen.
3. Biharamun goizean bidali zituzten Joseren senideak beren astoekin.
4. Oraindik hiritik urrutira gabe zeudela, Josek etxeko arduradunari esan zion: «Zoaz gizon horien atzetik eta, atzemandakoan, esaiezu: Zergatik itzuli duzue gaizkia ongiaren truke?
5. Zergatik ostu diozue nire nagusiari, edateko eta etorkizuna iragartzeko erabiltzen duen edalontzia? Benetan oso gaizki jokatu duzue!»
6. Harrapatu zituen etxeko arduradunak, eta agindu bezala mintzatu zitzaien.
7. Haiek erantzun:—Ez zaitez horrela mintza, jauna! Zure zerbitzariok ez gara horrelakorik egiteko gauza!