8. «Bete arretaz itun honen xedapenak, zeuen eginkizun guztietan arrakasta izan dezazuen.
9. «Denok zaudete gaur hemen Jaunaren zeuen Jainkoaren aurrean: leinuburuak, herri-arduradun eta funtzionarioak, gizonezkoak,
10. haur eta emakumeak, baita kanpalekuan egurgile eta ur-ekarle diren etorkinak ere.
11. Jaunak zuen Jainkoak gaur zuekin egiten duen ituna onartzeko eta ezartzen dizuen konpromisoaz zeuen buruak lotzeko zaudete hemen.
12. Itunaren bidez, bere herri egiten zaituzte Jainkoak eta bera zuen Jainko izango da, zuen arbaso Abraham, Isaak eta Jakobi zin eginez hitzeman zien bezala.