12. Eskuan dauka sardea, eta garia garbitzera doa: alea mandioan jasoko du; lastoa, ordea, inoiz itzaliko ez den sutan erreko».
13. Jesus Galileatik Jordanera etorri zen, Joanengana, honek bataia zezan.
14. Joanek ez zion utzi nahi eta esan zion:-Neu naiz zuk bataiatu beharrekoa, eta zu zatoz niregana?
15. Baina Jesusek erantzun zion:-Uztazu orain, honela bete behar baitugu osoki Jainkoaren nahia.Orduan, amore eman zuen Joanek.
16. Bataiatu eta berehala, Jesus uretatik irten zen. Hortan, zerua zabaldu zen, eta Jainkoaren Espiritua ikusi zuen Jesusek uso-tankeran jaisten eta beregana etortzen.
17. Eta mintzo hau etorri zen zerutik: «Hau da nire Semea, nire maitea; berau dut atsegin».