30. Orduan, Jesusek galdetu zion:—Nola duk izena?Hark erantzun:—Taldea.Deabru asko baitziren harengan sartuak.
31. Eta leize-zulora ez bidaltzeko erregutu zioten Jesusi.
32. Bazebilen han txerri-talde on bat mendian uxarrean. Haietan sartzen uzteko erregutu zioten deabruek Jesusi. Honek baimena eman zien.
33. Deabruak gizonarengandik atera eta txerrietan sartu ziren, eta txerri-taldea ezpondan behera aintzirara amildu zen eta ito.
34. Gertatua ikustean, txerrizainek ihes egin eta herrian eta auzoetan berria zabaldu zuten.
35. Orduan, zer gertatu ote zen ikustera irten zen jendea. Jesusen ondora iristean, han aurkitu zuten Jesusen oinetan eseria deabruak atera zitzaizkion gizona, jantzirik eta bere onean, eta biziki izutu ziren.