44. Felipe Betsaidakoa zen, Andres eta Pedroren herrikoa.
45. Felipek Natanael aurkitu zuen, eta esan zion:—Moisesek legearen liburuan eta profetek beren idazkietan aipatu zuten hura aurkitu diagu: Jesus, Joseren semea, Nazaretekoa.
46. Natanaelek esan zion:—Ezer onik atera ote daiteke Nazaretetik?Felipek erantzun zion:—Etorri eta ikusi.
47. Ikusi zuen Jesusek Natanael zetorkiola, eta esan zuen:—Hona benetako israeldar bat, faltsukeriarik gabea.
48. Natanaelek galdetu zion:—Nondik ezagutzen nauzu?Jesusek erantzun:—Felipek deitu aurretik ikusi zintudan pikupean.
49. Natanaelek esan zion:—Maisu, zu Jainkoaren Semea zara, zu Israelgo erregea zara.