Itun Zaharra

Itun Berria

Filipoarrei 2:24-30 Elizen Arteko Biblia (Interfaith Itzulpena) (EABD)

24. Baina badut konfiantza, Jauna lagun, neu ere zuengana laster joango naizela.

25. Bitartean, beharrezko iruditu zait Epafrodito anaia maitea, lanean eta borrokan lagun izan dudana, zuengana bidaltzea. Zuek nire premian laguntzeko bidali zenidaten;

26. baina orain zuek guztiok ikusteko irrika bizia zuen eta oso kezkaturik zegoen, beraren gaixotasunaren berri izan zenutela jakinik.

27. Egia da, gaixo egon zen, ia hilzorian; baina Jainkoa errukitu egin zitzaion, eta berari ez ezik, baita niri ere, nahigabea nahigabearen gain izan ez nezan.

28. Horrela, bada, ahalik lasterren bidali dizuet, hura berriro ikustean poz zaitezten eta ni lasaiago senti nadin.

29. Hartzazue Jaunaren izenean poz handiz, eta ohoratu beti hori bezalakoak direnak.

30. Izan ere, Kristoren aldeko lanarengatik ia hilzorian egon da eta bere bizia arriskuan jarri du, zuek niri laguntzeko egin ezin zenutena zuen ordez berak egin nahirik.

Irakurri kapitulu osoa Filipoarrei 2