2. Gizon jainkozale batzuek Estebanen gorpuari lur eman zioten eta dolu handia egin zuten harengatik.
3. Saulo triskantza ikaragarria egiten ari zen eliz elkartean: etxeetan sartu, gizon-emakumeak atxilotu eta kartzelara eramaten zituen.
4. Sakabanatu zirenak herriz herri joan ziren, mezua hots eginez.
5. Hala, Felipe Samaria hirira jaitsi eta Mesiasen berri ematen hasi zen.
6. Felipek esaten zuena entzun eta egiten zituen mirariak ikustean, gogo batez lotzen zitzaion jendea haren predikuari;
7. izan ere, deabrudun askorengandik ateratzen ziren espiritu gaiztoak deiadarka eta elbarri eta herren asko sendatzen ziren.
8. Poz handia izan zen hiri hartan.