31. Dann gstöllt si dyr Künig eyn seinn Plaz hin und schloß vor n Trechtein dönn Bund, däß yr yn n Trechtein folgn wolleb, seine Geboter, Satzungen und Weisungen aus gantzn Hertzn und gantzer Seel achtn und d Vorschriftn von n Bund erfülln, wie s in dönn Buech niderglögt warnd.
32. Er schloß aau allss, was si z Ruslham und Bengymein aufhielt, eyn n Bund ein; und d Ruslhamer hieltnd si an dönn Bund mit n Herrgot, yn n Got von ienerne Gönen.
33. Dyr Josies gverweitert allsand Grauln aus n gantzn isryheelischn Erderich und gverpflichtt allsand in Isryheel drauf, yn n Trechtein, ienern Got, zo n Dienen. So lang yr glöbt, fielnd s niemer von n Trechtein, yn n Got von ienerne Vätter, ab.