12. Von n Tag drauf an, wie s öbbs von n dortignen Fand gössn hietnd, blib s Männen aus. Sö gyrnörnd si sels Jaar von dyr Ärn aus n Land Käning.
13. Wie dyr Josen bei Iereich war und umaynandgschaugt, saah yr plitzlich aynn Man mit n zucktn Schwert vor seiner. Dyr Josen gieng auf iem zue und gfraagt n: "Bist du ainer von de Ünsern, older ghoerst zo n Feind?"
14. Er gantwortt: "Nän, i bin yn n Trechtein sein Feldherr. Grad bin i kemmen." Daa gspraitt si dyr Josen vor iem und gfraagt n: "Was befilhst mir, yn deinn Knecht?"
15. Yn n Trechtein sein Feldherr gantwortt yn n Josenn: "Ziegh dyr d Schueh aus, denn du steest auf aynn heilignen Bodm!" Und dyr Josen gfolgt iem.