16. Dyr Mantz ließ aynn Hauffen umschuldige Menschn umbringen, yso däß dös gantze Ruslham von ien voll war, und dös aynmaal ganz abgseghn von dyr andern Sündd, zo derer wo yr Judau gverlaitt, und was yn n Herrn gar nit gfiel.
17. De ander Getaat von n Mantzn und aau seine Sünddn seind aufzaichnet in de Jaarbüecher von de Judauer Künig.
18. Dyr Mantz starb und wurd in n Pflastgartn, in n Gartn von n Usenn, eingrabn. Sein Sun Ämon wurd an seiner Stöll Künig.
19. Dyr Ämon war zwaiyzwainzg Jaar alt, wie yr Künig wurd, und greichnet in Ruslham zwai Jaar lang. Sein Mueter hieß Meschulmett und war ayn Tochter von Häruz aus Jotby.