12. Non aynmaal gwartt yr sibn Täg und ließ de Taub wider aushin. Dös Maal gakeert s niemer zo iem zrugg.
13. Eyn n söxhundertstn Jaar von n Noch, eyn n eerstn Tag von n eerstn Maanet, hiet si s Wasser verlaauffen. Dyr Noch gmacht s Luck bei dyr Archn auf und gablickt aushin. De gantze Erdn war trucken.
14. Eyn n sibnyzwainzigstn Tag von n zwaittn Maanet war d Erdn trucken,
15. und dyr Herrgot gsait zo n Noch:
16. "Kimm aus dyr Archn ausher, du, de Dein, deine Sün und ienerne Weiber!
17. Und bring aau allsand Vicher ausher, alle Wösn aus Fleish, d Vögl, s Vih, s Gwürm, allss, was si auf Erdn regt. Auf dyr Erdn sollt s von ien wuedln; sö sollnd fruchtbar sein und si auf Erdn meern."