1. Wie ayn Äucht drauf yn n Künig sein Grimm wider verraaucht war, ginnert yr si wider aynmaal an de gantze Gschicht mit dyr Wästi und ienern Beschluß.
2. Daa gmainend ain aus seinn engern Kraiß: "Wär dös nix, o Künig, däß myr für di schoene Mentscher suechend?
3. Du känntst diend in ayner iedn Pfintz von n Reich ain bstalln, däß s sauberne junge Mädln zueherbringend auf Susy eyn de Kemnet, daa wo si dyr Hegäus, dein Kömmerer, drum annimmt, und daa wo s sauber hergrichtt und aufgfurmt werdnd.
4. Und dö, wo dyr aft gfallt, kan für d Wästi aau Küniginn werdn." Dös gfiel yn n Künig, und yso gmacht yr s aau.
5. In dyr Burg Susy glöbt ayn Jud, wo Mordychäus hieß. Er war dyr Sun von n Jeier, Schimi und Kisch aus n Stamm Bengymein.