12. A'r dwthwn hwnnw yr aeth Peilat a Herod yn gyfeillion: canys yr oeddynt o'r blaen mewn gelyniaeth â'i gilydd.
13. A Pheilat, wedi galw ynghyd yr archoffeiriaid, a'r llywiawdwyr, a'r bobl,
14. A ddywedodd wrthynt, Chwi a ddygasoch y dyn hwn ataf fi, fel un a fyddai'n gŵyrdroi'r bobl: ac wele, myfi a'i holais ef yn eich gŵydd chwi, ac ni chefais yn y dyn hwn ddim bai, o ran y pethau yr ydych chwi yn ei gyhuddo ef amdanynt:
15. Na Herod chwaith: canys anfonais chwi ato ef; ac wele, dim yn haeddu marwolaeth nis gwnaed iddo.
16. Am hynny mi a'i ceryddaf ef, ac a'i gollyngaf ymaith.
17. Canys yr ydoedd yn rhaid iddo ollwng un yn rhydd iddynt ar yr ŵyl.