23. Eithr cyn dyfod ffydd, y'n cadwyd dan y ddeddf, wedi ein cyd‐gau i'r ffydd, yr hon oedd i'w datguddio.
24. Y ddeddf gan hynny oedd ein hathro ni at Grist, fel y'n cyfiawnheid trwy ffydd.
25. Eithr wedi dyfod ffydd, nid ydym mwyach dan athro.
26. Canys chwi oll ydych blant i Dduw trwy ffydd yng Nghrist Iesu.
27. Canys cynifer ohonoch ag a fedyddiwyd yng Nghrist, a wisgasoch Grist.
28. Nid oes nac Iddew na Groegwr, nid oes na chaeth na rhydd, nid oes na gwryw na benyw: canys chwi oll un ydych yng Nghrist Iesu.
29. Ac os eiddo Crist ydych, yna had Abraham ydych, ac etifeddion yn ôl yr addewid.