40. Drylliaist ei holl gaeau ef; gwnaethost ei amddiffynfeydd yn adwyau.
41. Yr holl fforddolion a'i hysbeiliant ef: aeth yn warthrudd i'w gymdogion.
42. Dyrchefaist ddeheulaw ei wrthwynebwyr; llawenheaist ei holl elynion.
43. Troaist hefyd fin ei gleddyf, ac ni chadarnheaist ef mewn rhyfel.
44. Peraist i'w harddwch ddarfod, a bwriaist ei orseddfainc i lawr.
45. Byrheaist ddyddiau ei ieuenctid: toaist gywilydd drosto ef. Sela.
46. Pa hyd, Arglwydd, yr ymguddi? ai yn dragywydd? a lysg dy ddigofaint di fel tân?
47. Cofia pa amser sydd i mi: paham y creaist holl blant dynion yn ofer?
48. Pa ŵr a fydd byw, ac ni wêl farwolaeth? a wared efe ei enaid o law y bedd? Sela.