13. A bydd iddo ef, ac i'w had ar ei ôl ef, amod o offeiriadaeth dragwyddol; am iddo eiddigeddu dros ei Dduw, a gwneuthur cymod dros feibion Israel.
14. Ac enw y gŵr o Israel, yr hwn a laddwyd, sef yr hwn a laddwyd gyda'r Fidianees, oedd Simri, mab Salu,pennaeth tŷ ei dad, o lwyth Simeon.
15. Ac enw y wraig o Midian a laddwyd, oedd Cosbi, merch Sur: pencenedl o dŷ mawr ym Midian oedd hwn.
16. A llefarodd yr Arglwydd wrth Moses, gan ddywedyd,
17. Blina'r Midianiaid, a lleddwch hwynt:
18. Canys blin ydynt arnoch trwy eu dichellion a ddychmygasant i'ch erbyn, yn achos Peor, ac yn achos Cosbi, merch tywysog Midian, eu chwaer hwynt, yr hon a laddwyd yn nydd y pla, o achos Peor.