Hen Destament

Testament Newydd

Numeri 22:7-14 Beibl William Morgan 1588, 1620 (BWM)

7. A henuriaid Moab, a henuriaid Midian, a aethant, â gwobr dewiniaeth yn eu dwylo: daethant hefyd at Balaam, a dywedasant iddo eiriau Balac.

8. A dywedodd yntau wrthynt, Lletywch yma heno; a rhoddaf i chwi ateb megis y llefaro yr Arglwydd wrthyf. A thywysogion Moab a arosasant gyda Balaam.

9. A daeth Duw at Balaam, ac a ddywedodd Pwy yw y dynion hyn sydd gyda thi?

10. A dywedodd Balaam wrth Dduw, Balac mab Sippor, brenin Moab, a ddanfonodd ataf, gan ddywedyd,

11. Wele bobl wedi dyfod allan o'r Aifft, ac yn gorchuddio wyneb y ddaear: yr awr hon tyred, rhega hwynt i mi; felly ond odid y gallaf ryfela â hwynt, a'u gyrru allan.

12. A dywedodd Duw wrth Balaam, Na ddos gyda hwynt; na felltithia'r bobl: canys bendigedig ydynt.

13. A Balaam a gododd y bore, ac a ddywedodd wrth dywysogion Balac, Ewch i'ch gwlad: oblegid yr Arglwydd a nacaodd adael i mi fyned gyda chwi.

14. A thywysogion Moab a godasant, ac a ddaethant at Balac; ac a ddywedasant, Nacaodd Balaam ddyfod gyda ni.

Darllenwch bennod gyflawn Numeri 22