14. Issachar sydd asyn asgyrnog, yn gorwedd rhwng dau bwn.
15. Ac a wêl lonyddwch mai da yw, a'r tir mai hyfryd: efe a ogwydda ei ysgwydd i ddwyn, ac a fydd yn gaeth dan deyrnged.
16. Dan a farn ei bobl fel un o lwythau Israel.
17. Dan fydd sarff ar y ffordd, a neidr ar y llwybr; yn brathu sodlau'r march, fel y syrthio ei farchog yn ôl.
18. Am dy iachawdwriaeth di y disgwyliais, Arglwydd.
19. Gad, llu a'i gorfydd; ac yntau a orfydd o'r diwedd.
20. O Aser bras fydd ei fwyd ef, ac efe a rydd ddanteithion brenhinol.
21. Nafftali fydd ewig wedi ei gollwng, yn rhoddi geiriau teg.