28. Efe a eistedd ei hunan, ac a dau â sôn; am iddo ei dwyn hi arno.
29. Efe a ddyry ei enau yn y llwch, i edrych a oes obaith.
30. Efe a ddyry ei gern i'r hwn a'i trawo: efe a lenwir â gwaradwydd.
31. Oblegid nid yn dragywydd y gwrthyd yr Arglwydd:
32. Ond er iddo gystuddio, eto efe a dosturia, yn ôl amlder ei drugareddau.
33. Canys nid o'i fodd y blina efe, nac y cystuddia blant dynion.
34. I fathru holl garcharorion y ddaear dan ei draed,
35. I wyro barn gŵr o flaen wyneb y Goruchaf,
36. Nid yw yr Arglwydd yn gweled yn dda wneuthur cam â gŵr yn ei fater.