1. Myfi yw y gŵr a welodd flinder gan wialen ei ddigofaint ef.
2. I dywyllwch, ac nid i oleuni, yr arweiniodd ac y tywysodd efe fi.
3. Yn fy erbyn i yn ddiau y trodd efe, ac y mae efe yn troi ei law ar hyd y dydd.
4. Efe a wnaeth fy nghnawd a'm croen yn hen; efe a ddrylliodd fy esgyrn.
5. Efe a adeiladodd i'm herbyn, ac a'm hamgylchodd â bustl ac â blinder.
6. Efe a'm gosododd mewn tywyll leoedd, fel y rhai sydd wedi marw er ys talm.
7. Efe a gaeodd o'm hamgylch, fel nad elwyf allan: efe a wnaeth fy llyffethair i yn drom.