13. Ac efe a ddywedodd wrthyf, Tro eto, cei weled ffieidd‐dra mwy, y rhai y maent hwy yn eu gwneuthur.
14. Ac efe a'm dug i ddrws porth tŷ yr Arglwydd, yr hwn oedd tua'r gogledd; ac wele yno wragedd yn eistedd yn wylo am Tammus.
15. Ac efe a ddywedodd wrthyf, A weli di hyn, fab dyn? dychwel eto, cei weled ffieidd‐dra mwy na hyn.
16. Ac efe a'm dug i gyntedd tŷ yr Arglwydd oddi fewn, ac wele wrth ddrws teml yr Arglwydd, rhwng y porth a'r allor, ynghylch pumwr ar hugain, a'u cefnau tuag at deml yr Arglwydd, a'u hwynebau tua'r dwyrain; ac yr oeddynt hwy yn ymgrymu i'r haul tua'r dwyrain.