16. Aderyn y cyrff, a'r dylluan, a'r gogfran,
17. A'r pelican, a'r biogen, a'r fulfran,
18. A'r ciconia, a'r crŷr yn ei ryw, a'r gornchwigl, a'r ystlum.
19. A phob ymlusgiad asgellog sydd aflan i chwi: na fwytaer hwynt.
20. Pob ehediad glân a fwytewch.
21. Na fwytewch ddim a fo marw ei hun: dod ef i'r dieithr fyddo yn dy byrth, a bwytaed ef; neu gwerth ef i'r dieithr: canys pobl sanctaidd ydwyt i'r Arglwydd dy Dduw. Na ferwa fyn yn llaeth ei fam.
22. Gan ddegymu degyma holl gynnyrch dy had, sef ffrwyth dy faes, bob blwyddyn.
23. A bwyta gerbron yr Arglwydd dy Dduw, yn y lle a ddewiso efe i drigo o'i enw ef ynddo, ddegwm dy ŷd, dy win, a'th olew, a chyntaf‐anedig dy wartheg, a'th ddefaid; fel y dysgech ofni yr Arglwydd dy Dduw bob amser.