17. Felly, o'r hyn a glywir y daw ffydd, a daw'r clywed trwy air Crist.
18. Ond y mae'n rhaid gofyn, “A oedd dichon iddynt fethu clywed?” Nac oedd, yn wir, oherwydd:“Aeth eu lleferydd allan i'r holl ddaear,a'u geiriau hyd eithafoedd byd.”
19. Ond i ofyn peth arall, “A oedd dichon i Israel fethu deall?” Ceir yr ateb yn gyntaf gan Moses:“Fe'ch gwnaf chwi'n eiddigeddus wrth genedl nad yw'n genedl,a'ch gwneud yn ddig wrth genedl ddiddeall.”
20. Ac yna, y mae Eseia'n beiddio dweud:“Cafwyd fi gan rai nad oeddent yn fy ngheisio;gwelwyd fi gan rai nad oeddent yn holi amdanaf.”
21. Ond am Israel y mae'n dweud: “Ar hyd y dydd bûm yn estyn fy nwylo at bobl anufudd a gwrthnysig.”